Дрејк и Конор Мек Грегор имаа пријателски односи низ годините, но се покажа дека поранешниот шампион во две дивизии не е омилен борец на рап ѕвездата.
Четирикратниот добитник на Греми наградата неодамна направи пренос во живо со празнична тема на својот канал на платформата Кик. За време на преносот, Дрејк беше запрашан кој е неговиот омилен УФЦ борец. Изненадувачки, изјави дека негов фаворит на сите времиња е Нејт Дијаз – човекот кој му го нанесе првиот пораз на Мек Грегор во УФЦ.
„Ќе одговорам на тоа прашање врз основа на тоа кој, според мене, олицетворува најголема длабочина како личност“, изјави Дрејк. „Ги почитувам луѓето кои остануваат верни на своите корени. За нив парите, победите и се останато се на второ место.
За мене тоа е Нејт. Тој е мојот омилен борец затоа што е вистински до крај. Нејт е само луд, 100 проценти автентичен и човек од Стоктон“.
