Раде Опачиќ уште еднаш го покажа својот квалитет и убедливо стигна до четвртата победа во промоцијата на ОНЕ Шампионатот.
Српскиот борец го победи Албанецот Франческо Џаја со нокаут во втората рунда на настанот на најголемата азиска ММА организација.
Опачиќ почна да напаѓа уште од првиот звук на сирената, извонредно погодуваше комбинации и почна да го гради патот до победата.
Албанецот се обиде да возврати, но Раде имаше решенија за се. Кон крајот на првата рунда српскиот борец го стресе противникот со „хај кик“, а потоа со серија удари го испрати во нокдаун.
Џаја се опорави, а со влегувањето во втората рунда се обиде да ја преземе иницијативата. Опачиќ успешно се одбрани, а возврати со кружен удар.
Повторно силно го удри противникот, а судијата повторно му броеше на Џаја.
Борбата продолжи, а Раде не успори, повторно жестоко го нападна Албанецот и го испрати на подот.
Џаја уште еднаш стана и се обиде да продолжи, но Опачиќ повторно го удри со силен аперкат во телото и ја заврши работата.
Српскиот борец со тоа стигна до четвртиот триумф со нокаут во промоцијата на ОНЕ Чемпионшип.
BODY SHOTS HIT DIFFERENT 😨 Rade Opacic 🇷🇸 finishes Francesko Xhaja with a pair of crushing blows to the body! #WeAreONE #ONEChampionship#ONEOnlyTheBrave | How To Watch: https://t.co/xAruwVtftU pic.twitter.com/gmq8ZUuzz0
— ONE Championship (@ONEChampionship) January 28, 2022
