За точно 20 дена ни е закажан големиот реванш меѓу Тајсон Фјури и Александар Усик. На почетокот на оваа година дуото се избори за титулата апсолутен шампион во тешка категорија, а по 12 одлични рунди победи Усик и по повеќе од две децении ги обедини титулите во тешка категорија.
Овој пат титулата апсолутен шампион нема да биде во игра бидејќи Усик го одлободи појасот на ИБФ кој моментално го држи Дубоа, но борбата и без тоа е многу интересна. Френк Ворен, промоторот на Фјури, верува дека ова е борба за најдобар боксер на неговата генерација:
„Сите оние кои се сомневаат во Фјури, сите новинари и други, рекоа дека Усик сега е меѓу легендите на спортот, меѓу Мухамед Али, Фрејзер, Форман, Џо Луис, но и дека секако е најдобриот боксер на оваа генерација. Мило ми е што го кажаа тоа бидејќи кога Тајсон сега ќе го победи Усик, најдобриот на генерацијата, никој нема да може да каже дека Тајсон не е најдобриот на генерацијата“, изјави Ворен за Скај спорт.
Фјури додаде:
„Мислам дека не можам да бидам многу подобар од првиот меч бидејќи тоа беше еден од моите најдобри настапи во кариерата. Не го добив резултатот што го посакував, тоа беше одличен настап против еден од моите најдобри противници“.
Иако не се работи за борба за титулата апсолутен шампион, оваа борба секако е многу интересна и интригантна. Ако Фјури овојпат успее да го победи Усик, следува трилогија, а доколку ги дадат настапите на првиот меч, нема сомнеж дека реваншот ќе биде подеднакво добар како и нивната прва средба на почетокот од годинава.
