Џудо клубот Пролетер од Прилеп склучи партнерски меморандум за соработка со Детската амбасада „За сите деца во светот“.
„Со овај благороден проект заеднички им овозможуваме на децата од ранливите категории полесен принстап до џудо спортот и боречките вештини и можност сите кои немаат доволно средства, а имаат талент за џудо, да го покажат тоа на дело и да добијат шанса да бидат рамноправни со сите врсници и преостанати членови“, велат од Пролетер.
Членовите на клубот ќе може дополнително да ги користат услугите од Детската амбасада, како и Асоцијацијата за уметност и култура на деца и млади „Креативити“ од Прилеп.
„Со овај меморандум Пролетер ги отвара вратите за сите членови во Детската амбасада со надеж дека правилниот раст и психофизичкиот развој на децата им е најпотребен во многу рана возраст без разлика на полот, способноста и физичката конституција. Родители кои ќе ги запишете вашите деца на џудо, бидете сигурни дека сте направиле нешто корисно и добро за вашето дете“, нагласуваат од прилепскиот клуб.
Ipon.mk/В. Д.
