Спортскиот директор на Балканската џиу џицу федерација, Радислав Јовичиќ, прв пристигна во Скопје за мониторинг на турнирот „Скопје опен 2016“.
Тој и претседателот на Македонската џиу џица федерација, Александар Ацевски, ќе остварат средби со директорот на Агенцијата за млади и спорт и со директорот на Спортскиот центар „Борис Трајковски“.
„Целта на посетите на директорите на АМС и СЦ „Борис Трајковски“ е по повод поднесување нашата кандидатура за организирање на Балканско првенство во Република Македонија во 2018 година. Се надеваме на позитивен извештај“, вели претседателот на Македонската федерација, Александар Ацевски.
Покрај другото, Јовичиќ и неговиот помошник Бојан Јовиќ ги посетија новите простории на Македонската џиу џицу федерација. Јовичиќ, кој е и претседател на Џиу џицу федерацијата на Република Српска, секогаш во изминатите години давал огромна помош и поддршка на нашата Федерација, како на самиот почеток на осовањето така и денес.
Ipon.mk/В.Д.
