Досегашната претседателка на КК Форца од Чаир, Шкодране Дардишта, на својот ФБ профил напиша дека ја напушта функцијата и клубот.
Таа се заблагодарува на досегашната соработка и посакува уште многу успеси на овој клуб.
„Од денеска не сум претседател и заминува од овој реномиран балкански клуб. Им благодарам на сите соработници и љубители на нашиот клуб и на овој благороден спорт, почнувајќи од учениците, родителите, Општината на Чаир, како и на мојата политичка партија во Чаир за големиот придонес и помош со години што ја даваа на овој клуб“, вели Шкодране во чие време Форца ги постигна најголемите успеси.
Но, покрај претседателката си заминуваат и девет каратисти.
Неофицијално, се зборува дека ова не е дефинитивно збогување на Дардишта со каратето, туку ќе биде активна во друг клуб од Скопје.
