Саудискиот боксерски супер инвеститор Турки Алалаших не крие дека сака да организира трета борба меѓу Александар Усик (22-0, 14 КО) и Тајсон Фјури (34-1-1, 24 КО), и покрај фактот што се уште не се одржал реваншот.
Јасно е дека трилогијата ќе стане возможна само доколку Фјури, кој ја загуби првата борба во мај, го победи Украинецот на 21 декември.
И британскиот промотер Френк Ворен рече дека третата борба била вклучена во договорот.
„Договорено е, ако Тајсон победи на реваншот, ќе има трилогија. Се разбира, под услов никој од нив да не се пензионира“, рече Ворен.
„Многу новинари по борбата во мај рекоа дека Усик сега е најдобриот тешкаш во својата генерација, дека заслужува да биде на исто ниво како Мухамед Али, Роки Марчиано и сите овие големи момци. Значи, ако Тајсон го победи Усик, тој ќе го заземе тоа место“, додаде промоторот.
„Иако мислам дека Тајсон е сè уште таму. Факт е дека е двократен светски шампион и дека титулите ги освојувал на мепријателска територија. Фјури е веќе таму. Тој е голем борец. А откако ја помина борбата со Усик, тој стана уште подобар“.
