Мајк Тајсон неодамна, по речиси 20 години, се врати во рингот, кој многу љубители на боксот го следеа со голем интерес.
58-годишната боксерска легенда се бореше со јутјуберот Џејк Пол, 30 години помлад, во осум рунди (по две минути) на преполниот стадион AT&T во Тексас.
Поранешната ѕвезда на Дизни на крајот победи со едногласна одлука на судиите, заработувајќи 40 милиони долари. Тајсон доби половина од таа сума.
Ајрон Мајк по борбата го прашаа зошто си ја гризна ракавицата, а тој одговори дека секогаш има навика да гризе за време на натпреварите.
Гледачите исто така го забележале ова малку чудно однесување на Мајк, а поранешниот тренер на Тајсон, Теди Атлас, се обиде да ја објасни оваа навика.
„Многумина ме прашаа зошто Мајк ја гризе ракавицата на палецот. Тоа го правеше во неговите аматерски денови, а подоцна и како професионалец. И сега го правеше тоа. Кога ќе го прашаат зошто, тој одговара дека не сака да му го гризе увото на противникот“, рекол Теди Атлас и додал:
„Но не затоа, тоа го правеше цело време. Очигледно тоа го смирува. Сите стануваат нервозни, почнуваат да се сомневаат во себе и се плашат, дури и Мајк Тајсон. Мора да гризне нешто за да ги потисне овие чувства. Во тој момент сака да заборави на нервозата, непријатноста и несигурноста. И тоа е вистинската причина зошто го гризе палецот со ракавица“.
