Новата ММА организација Глобална фајт лига (ГФЛ) се подготвува за дебитантската сезона во 2025 година, но веќе се соочи со првата голема пречка – загубата на еден од најголемите борци, поранешниот шампион на УФЦ во тешка категорија Фабрицио Вердум.
47-годишниот Бразилец вчера го објави повлекувањето од инаугуративната сезона во ГФЛ, откако неговата претстојна пресметка беше прекината пред неколку недели.
„Френк Мир беше борбата што ме мотивираше да се вратам. Откако тој се повлече, ја изгубив мотивацијата“, изјави Вердум на поткастот на Mundo da Luta (цитат од Sherdog.com).
Можеби е подробро Вердум што се повлече, бидејќи се бори со неизлечива циста на мозокот и веќе покажува знаци на хронична трауматска енцефалопатија (CTE), состојба која тешко е компатибилна со враќање во кафезот.
Вердум (24-10-1, 1 НЦ) не се борел откако се соочи со Жуниор Дос Сантос на Gamebred Bareknuckle MMA минатата година. Неговата последна официјална ММА борба беше против Ренан Фереира, во која првично загуби, но по преглед натпреварот беше прогласен за без натпревар.
Unfortunately, due to injury Fabricio Werdum has been forced to withdraw from the inaugural GFL Season. We wish Fabricio a speedy recovery and all the best as he embarks on his post MMA journey! pic.twitter.com/wyRQBhN63z
— Global Fight League (@mmagfl) April 3, 2025
