Сем Алви, некогаш познат по својата бескрајна насмевка и покрај поразите во УФЦ, сега изгледа како сосема нов ѕвер во Карате комбат. Американскиот ветеран повторно се истакна, овој пат во главната борба на Карате комбат 54 во Дубаи, каде што ја одбрани својата титула во тешка категорија против страшниот удирач Тајрон Спонг – и тоа го направи со нокаут во втората рунда.
Спонг, поранешен шампион во кикбокс и ММА борец со репутација на ладнокрвен финишер, влезе во борбата како фаворит на обложувалниците, додека Алви ја носеше титулата, но не и очекувањата. Но, Алви уште еднаш докажа дека е многу поопасен во ова ново поглавје од неговата кариера отколку што беше во УФЦ.
Борбата започна тактички. Спонг веднаш го зазеде центарот на татамито и изврши притисок врз Алви, но без премногу конкретни напади. Првата рунда беше пресметка со неколку разменети удари, без вистински експлозии. Спонг го таргетираше телото и користеше преден удар, додека Алви одговори со комбинации од кратки раце.
Втората рунда беше накратко прекината поради ненамерно боцкање во окото, но кога акцијата продолжи, Алви буквално го смени текот на борбата за дел од секундата. Десен директ, потоа разорен лев – и Спонг падна како торпедо. Уште еден удар беше доволен за судијата Марк Годард да ја запре борбата. Спектакуларна победа.
SAM ALVEY KNOCKS OUT TYRONE SPONG FOR THE KARATE COMBAT HEAVYWEIGHT BELT 🏆 #KC54 pic.twitter.com/LwSu9WXV68
— UFC FIGHT PASS (@UFCFightPass) May 2, 2025
Следеше уште поспектакуларен „повик“:
„Еди Хол, со почит ќе ти го разбијам задникот“, рече Алви со насмевка. – „Импресивен си. Видов што направи. Сакам дел од тоа“.
Повикот беше упатен до поранешниот Најсилен човек на светот, кој неодамна го шокираше светот на борбите со брз нокаут над Мариуш Пуџановски на КСВ 105. Хол и Алви? На хартија, изгледа лудо. Но, внатре во „Карате јамата“, тоа би можело да биде експлозивна атракција.
За Алви, кој го напушти УФЦ со серија од девет борби без победа, новата ера во Карате комбат донесе преродба. Сега е двократен шампион, во полутешка и тешка категорија, со резултат од 4-0 (1 НЦ), и не покажува знаци на забавување.
