Поранешниот светски шампион, Поли Малинјаџи (САД), навести дека ќе ја прекине кариерата, откако беше поразен од Дани Гарсија (САД) на гала вечерта во Њујорк. Средбата беше прекината во деветата рунда. Лицето на Малинјаџи не личеше на ништо, така што го принуди судијата да го прекине мечот.
Тоа беше 31 – та победа (18 со нокаут) за Гарсија, кој се уште нема пораз.
„Мислам, штом не успеав да направам добра представа вечерва, тогаш е време да ја завршам кариерата. Се обидов да се задржам во рингот, што е можно подолго. Кога ги добивав тешките удари, си велев – држи се, не се предавај. Тој успеа да ме скрши. Веројатно, веќе нема да се борам. Мојата кариера започна пред 14 години во Бруклин и е убаво, што ја завршив тука“.
Малинјаџи, најверојатно, ќе работи како телевизиски коментатор.
