Уште еден одличен натпревар и фантастични 12 рунди им понудија на навивачите двајцата врвни тешкаши, Александар Усик и Тајсон Фјури.
Преполната Кингдом арена во Ријад и милиони гледачи ширум светот, кои го следеа големиот настан на малите екрани, беа сведоци на уште еден врвен спектакл.
Непоразениот Усик одлично се подготви за поголем и 25 килограми потежок противник, а на крајот со едногласна одлука на судиите оствари нова победа над Фјури со која покажа дека моментално е најдобриот боксер во тешка категорија.
По триумфот во мај во дуелот за апсолутен светски шампион, Украинецот овојпат ги одбрани ВБА, ВБЦ и ВБО појасите на светскиот шампион во тешка категорија.
Во текот на мечот, одличниот Усик погоди 179 удари од вкупно 423 обиди, што е 42,3 проценти успешност, речиси исто како и на првиот меч.
А Фјури се обиде да го погоди противникот 509 пати, но само 144 удари паднаа на многу мобилниот Усик (28,3 отсто успешно), кој влезе во овој меч тежок 102,1 кг (Фјури тежеше 127,5 кг).
За да ги пренесе впечатоците од фантастичната борба, ДАЗН на својот Јутјуб канал ги објави најинтересните моменти од одличниот реванш.
