Александар Медвед, најуспешниот борач во слободен стил со 10 златни медали на Олимписките и Светските првенства, почина во понеделникот на 86-годишна возраст.
Медвед го имаше своето меѓународно деби на Светското првенство во 1961 година, каде што ја освои бронзата во категоријата до 87 килограми. Една година подоцна, тој скокна до 97 килограми и го освои златниот медал на Светското првенство.
До 1965 година Медвед ги освои сите златни медали на Светските првенства од 1962 до 1971 година, главно натпреварувајќи се во +100 килограми. Тој се сметаше за мал за оваа тежинска категорија, но сепак доминираше во неа повеќе од една деценија.
Освен седум златни медали, Медвед на Светските првенства освои и сребрен медал (1965) и бронзен медал (1961).
„Починувањето на Александар не растажи“, рече претседателот на Обединетото светско борење Ненад Лалловиќ. „Тој беше амбасадор на нашиот спорт и неговите достигнувања покажуваат дека светот го сметаше за најдобар.
„Тоа е голема загуба за светот на борењето и ние сме со семејството Медвед во ова време на тага“.
Медвед го освои првиот олимписки златен медал во 1964 година на Олимписките игри во Токио во категоријата до 97 килограми. Тоа го повтори во +97 килограми на Олимписките игри во Мексико Сити 1968 година, победувајќи го Осман Дуралиев од Бугарија. Двајцата се сретнаа и на Олимписките игри во Минхен 1972 година во финалето на +100 килограми, а Медвед повторно го победи Дуралиев и го освои третиот олимписки златен медал.
Тој има и три титули на Европските првенства.
По повлекувањето од спортот, Медвед активно се занимаваше со тренерската работа. Тој беше примен во Куќата на славните на ОСБ/ UWW во 2003 година.
Обединетото светско борење изразува сочувство до семејството Медвед.
Александар Медвед доаѓаше во Скопје на ЕП за кадети 2003 година.
Мене ми беше чест што правев интервју со Медвед.
Почивај во мир легендо.
Фото: ОСБ/ UWW
