Украинскиот боксер Александар Усик ќе биде среќен ако може по трет пат да се бори со Ентони Џошуа.
Кралот во тешка категорија стана неприкосновен шампион откако двапати го совлада Еј Џеј, а потоа и Тајсон Фјури во мечот за обединување на титулата (во меѓувреме го победи и Даниел Дубоа).
Усик и Кралот на Ромите се договорија за реванш на 21 декември, а многу љубители на боксот веруваат дека Украинецот по таа борба би можел да се повлече, бидејќи веќе не мора ништо да докажува.
Но, Александр неодамна изјави дека сака да ја продолжи кариерата, а особено се радува на борба по мечот против Фјури.
„Не сакам особено реванши, но кога ќе го победам Тајсон Фјури по втор пат, а Ентони Џошуа го победи Даниел Дубоа, секако дека сакам трета борба против Еј Џеј“, рече Александар Усик и продолжи:
„Немам право да му ускратам на Ентони трет меч, бидејќи ми даде две неверојатни борби. Ми помогна да станам уште попознат во светот. Ентони успеа. Ако се се случи така, со Божја помош, тогаш сум подготвен за третата борба против Ентони Џошуа“.
А Џошуа доби четири борби по реваншот со Усик, а особено убедливи настапи имаше против Роберт Хелениус, Ото Валин и Френсис Нгану.
„Психолишки многу се подобри“, истакна Александар Усик, а на прашањето дали Еј Џеј ќе го победи Дубоа вели:
„Секако. Станува збор за олимписки и британски шампион. Ентони е на друго ниво“.
