Освојувачот на брознениот медал на Европското првенство во јуниорска конкуренција во борби, Петар Спасеновски (+76 кг) за Ipon.mk изјави:
„Овој медал има големо значење за мене, бидејќи оваа ми е последна јуниорска година и сум среќен што ја завршив со медал. На крајот, целиот труд се исплатеше и ова беше едно големо искуство, кое се надевам дека во иднина ќе се рефлектира во сениорска конкуренција“.
Петар до сега не дојде до израз поради критериумскиот правилник за влез во репрезентацијата, но штом влезе веќе покажува резултати.
Спасеновски во Лимасол во првото коло беше слободен, во второто со 7-0 го победи Чехот Петр Урбанец, во третото – Србинот Владимир Брезанчиќ (4-1), а во полуфиналето загуби од Италијанецот Азиз Мухидине со 0-1. Во репасажот, во мечот за бронзата, Спасеновски со 5-0 го победи убедливо Белгиецот Бер Алофс.
Ipon.mk/В.Д.
