За време на преносот на настанот УФЦ 311 во Интуит дом во Инглвуд, каде Ислам Махачев го победи со завршница Ренато Моикано и по четврти пат го одбрани шампионскиот појас во лесна категорија, беа потврдени две големи борби.
Имено, договорена е борба за настанот УФЦ 313 кој ќе се одржи на 8 март во Т-Мобиле арената во Лас Вегас, во кој Алекс Переира ќе го брани шампионскиот појас во полутешка категорија против Магомед Анкалаев.
Бразилецот веќе три пати ја бранеше титулата во полутешка категорија, последен пат во октомври минатата година (неговата трета борба во 2024 година), кога со прекин во четвртата рунда го победи Халил Раунтри Јуниор.
Неколку недели подоцна Анкалаев со едногласна одлука го победи Александар Ракиќ на УФЦ 308 и доби шанса да се бори за тронот.
Истиот боречки спектакл ќе има и фантастична пресметка во лесна категорија меѓу двајцата одлични напаѓачи, Џастин Гејџи и Ден Хукер, што несомнено ќе биде многу интересно за љубителите на ММА.
Гејџи го победи со нокаут Дастин Пориер во неговите последни два меча за појасот БМФ, а потоа загуби од Макс Холовеј на ист начин минатата година.
Новозеландецот Ден Хукер се враќа во октагонот по три победи во низа. Во неговата последна борба во август минатата година го победи со поделена одлука Матеуш Гамрот.
Alex Pereira will face Magomed Ankalaev for the light heavyweight title at UFC 313 in Las Vegas, UFC announced. pic.twitter.com/VgWULhgGwD
— ESPN MMA (@espnmma) January 19, 2025
Justin Gaethje is set to face Dan Hooker at UFC 313 in Las Vegas, UFC announced. pic.twitter.com/V0UtevWW96
— ESPN MMA (@espnmma) January 19, 2025
