Крајот на Белатор беше неизбежен откако ПФЛ ги презема на крајот на 2023 година. Ариел Хелвани од Анкраунед објави во „Ариел Хелвани шоу“ дека брендот Белатор официјално е „мртов“.
Галата сега ќе биде позната како „ПФЛ Шампионска серија“, која ќе има борби за титулата низ различните категории на ПФЛ.
Овие титули ќе бидат одвоени од традиционалниот формат на сезонски турнири на ПФЛ, каде што шест шампиони во дивизија се крунисуваат во четири борби во една календарска година.
Анкраунед минатата среда потврди дека претходниот награден фонд од 1 милион долари за освојување на турнир во текот на сезоната сега ќе биде 500.000 долари, почнувајќи од сезоната 2025 година.
„Можам веднаш да ви кажам дека Белатор е мртов. Белатор како што го знаеме повеќе не постои. Белатор е мртов. Веќе нема да гледате настани на Белатор“, рече Хелвани.
Дали победата на турнир во ПФЛ гарантира борба за титулата против овие нови шампиони на ПФЛ, засега не е познато. Не е познато и како ќе бидат крунисани овие новите, одвоени шампиони на ПФЛ. ПФЛ Европа и МЕНА не се засегнати од ниту една од овие промени.
🚨| JUST IN from @arielhelwani:
🗣️ “Bellator is dead.” pic.twitter.com/hbJCl71aRE
— MMA Orbit (@mma_orbit) January 13, 2025
