Утре на Европското првенство во борење во Нови Сад настапува третиот наш репрезентативец, Магомедгаџи Нуров, во категоријата до 97 килограми.
Денес тој одлично помина на мерењето и во осминафиналето ќе се сретне со борачот од Србија, Марко Јовановиќ. Може да се каже дека Нуров има поволен жреб и шанса за добар резултат. Ако ја помине првата препрека во четвртфиналето ќе има шанса да му се реваншира на турскиот репрезентативец Риза Јилдерим и да обезбеди пласман во најдобрите четири во оваа категорија.
Нуров недомана покажа дека е добра форма со освојувањето на бронзениот медал на силниот Меѓународен турнир „Дан Колов“ во Бугарија. Тогаш Нуров прво го совлада светскиот и европскиот шампион и олимпиец на Бугарија, Михаил Ганев, со убедливи 7-4, потоа го совлада одличниот Ксенидис Тимофеи 18-14. Во четвртфиналето загуби од турскиот претставник Риза Јилдерим 3-7.
Во четврток ќе настапи и последниот наш борач Елмедин Сејфулаху.
Ipon.mk
