Вардар 1961 ја заокружи годината со прогласувањето на најдобар борач во кубот. Ова признание и припадна на младата и талентирана борачка Нина Славевска.
Нина (73 кг) на Балканското првенство во У-17 во Скопје освои сребрен медал. Славевска освои сребро и на Меѓународниот турнир „Побендик“ во Белград, Србија.
Во машка конкуренција Матеј Трајковски е најдобар борач, а Неда Урошевска во женска конкуренција, додека Андреј Алампиоски е најдобар млад борач.
Признанијата и наградите беа доделени од претседателот на БК Вардар 1961 Ацо Јорданов.
Ќе потсетиме дека ова е традиција кај црвено-црните што се одржува секоја година на свечена забава да се прогласуваат најдобрите борачи во тековната година.
