Френсис Нгану инсистира дека тој и Ентони Џошуа имаат различни цели пред нивната пресметка на 8 март во Саудиска Арабија – тој сака солзи, а не титули.
Големата борба во тешка категорија во Ријад ќе биде дуел на двајца силни борци, едниот сака да добие уште една шанса да стане светски шампион, а за другиот тоа ќе биде само втор професионален боксерски меч.
Саудијците се домаќини на боксерскиот спектакл и сакаат победникот да добие шанса да се бори со подобриот од борбата меѓу Тајсон Фјури и Александар Усик, кои на 18 мај боксираат за обединување на шампионските појаси во тешка категорија.
Поранешниот шампион на УФЦ, Нгану, кој ги воодушеви фановите во боксерското деби против Фјури, воопшто не размислува за појаси, единствена желба му е да боксира.
Пред мечот против Џошуа, Френсис за ДАЗН изјави дека неговата цел е да победи во следната борба.
„Секако дека сакам да победам, но за неа сакам да се борам. Не барам победа, ако само така можам да ја добијам, тогаш не е тоа“, рече Френсис Нгану и нагласи:
„Навистина сакам да се борам. Затоа што кога се борите, дури и ако изгубите, луѓето сакаат повторно да ве гледаат. Тоа е спортот. Едниот секогаш ќе победува, а другиот ќе губи. Но, им треба губитник за да направат победник од него. За танго се потребни двајца“.
