Френсис Нгану го критикуваше шефот на Мечрум бокс Еди Херн, бидејќи рече дека неговата борба против Тајсон Фјури ќе биде егзибициска борба.
Нгану за првпат стапува во рингот на 28 октомври против шампионот во тешка категорија Фјури, откако се раздели со УФЦ на почетокот на годината. Многу фанови шпекулираа дали борбата ќе влезе во скоровите на професионалниот боксер на Фјури или на Нгану, а Херн претходно сугерираше дека нивната борба ќе биде егзибициски меч без нокдаун.
Сега поранешниот шампион на УФЦ ја разјасни вистината за мечот, изјавувајќи за ММА Час:
„Како Еди Херн знаеше за ова, за да ги има тие информации и да ги даде сите тие детали? Не се сеќавам дека бил околу преговарачката маса и зборувал за оваа борба. Она што можам да кажам е дека тој не знае ништо за неа.
Сè што знае е она што го слушнал, е она што го слушнале другите луѓе. Мислам тоа е јасно. Не знае ништо бидејќи ова е вистинска борба.
Единствената разлика е што титулате не е во прашање, но тоа е вистинска борба. Тоа ќе биде запишано во нашата статистика“.
Титулата на Фјури во тешка категорија на ВБЦ не е залог, бидејќи Нгану не е рангиран од организацијата. Борецот мора да биде рангиран во топ 15 на ВБЦ за да може да се квалификува за шанса за светската титула, а со оглед на тоа што Нгану допрва треба да зачекори во рингот за прв пат како професионалец, тоа престижно место е далеку од неговиот дофат.
„Ова е уште една дискусија која ќе трае долго во ВБЦ“, додаде Нгану. „За да се случи оваа борба, ако сакавме да се потрудиме за титулата, ќе имаше многу вклучени страни и оваа борба немаше да се случи. Затоа моравме да направиме компромис, ако ја сакаме оваа борба брзо“.
Борбата меѓу Фјури и Нгану ќе се води во 10 триминутни рунди, при што се применува стандардниот систем од 10 поени. Ова ќе биде најдолгата борба што ја водел Нгану во целата своја боречка спортска кариера, бидејќи борбите за титулата на УФЦ траат 25 минути. Некои навивачи веруваат дека победникот на мечот ќе биде крунисан за „најопасниот човек на планетата“, а Нгану се согласува со таа проценка.
„Отсекогаш ми беше сон да боксирам и тоа фа го правам со најдобрите. Ова е моја можност да го исполнам тој сон и да ја зацврстам мојата позиција како најопасен човек на планетата.
Единственото нешто што ќе му кажам на Тајсон засега е дека е подобро да танцува во рингот, бидејќи ако го допрам, ќе заспие“, рече тој.
