Александар Волкановски и Ислам Махачев беа големи ривали во текот на 2023 година. Волкановски го држеше првото место на ранг-листата „П4П“ на УФЦ, со Махачев на второто место. Волк беше шампион во перо категорија, а Ислам го држеше појасот во лесна категорија. Тие беа спарени еден против друг за да дознаат кој е број еден „П4П“, а нивниот прв судир се случи во февруари 2023 година.
По пет рунди извонредни борби, една од најдобрите во историјата на борбите со појаси на УФЦ, Махачев победи со едногласна одлука. Многумина беа уште повеќе импресионирани од Волкановски, бидејќи му пружи фантастичен отпор на Махачев и само што недостасуваше да победи, иако веруваа дека победил. Осум месеци подоцна, продолжи реваншот.
Сепак, реваншот дојде поради сплет на околности. Ислам првично требаше да се бори со Чарлс Оливеира, но Бразилецот се здоби со расекотина над окото околу две недели пред настанот. На УФЦ му требаше итна замена, а Волкановски се понуди. Волк имаше околу десет дена да се подготви, а многумина веруваа дека тој греши и лесно ќе ја потроши можноста да му се одмазди на Махачов. Ние ќе кажеме дека нешто мораше да се случи и да биде по онаа народната „и волкот сит и овците на број“. Така, сите беа во добивка.
Тие што мислеа така беа во право. Махачев во првата рунда од борбата го нокаутира Волкановски и така ривалството најверојатно заврши со резултат 2-0 во корист на Ислам. Малку е веројатно дека некогаш ќе се случи трилогија, а многумина ќе се запрашаат што ќе се случеше доколку Волкановски поминеше низ целосен тренинг камп. Само четири месеци откако беше нокаутиран од Ислам, Волкановски се врати во кафезот и се бореше против страшниот удирач со тупаници Илија Топурија. Уште еднаш јавноста поверува дека Волкановски греши и прерано се враќа во кафезот. Сепак, Волк сака да биде активен, не слушаше критики и се судри со Топурија. За жал на Волк, следеше уште еден пораз со нокаут.
Така, Волкановски остана без појасот во перо категорија, а потоа конечно го доби и одморот кој очајно му беше потребен. Тој беше надвор од кафезот нешто повеќе од една година, конечно се врати минатиот викенд на настанот УФЦ 314. Волкановски се бореше цели 25 минути со високо темпо и со едногласна одлука на судиите го совлада Диего Лопез. Така, Волк си ја врати шампионската титула и воодушеви многумина пишувајќи една многу инспиративна приказна.
За прв пат во историјата на УФЦ, борец на возраст над 35 години го освои појасот во категоријата под полусредна категорија (-77 кг). Волкановски повторно ги помести границите, дополнително збогатувајќи ја неговата и онака величествена кариера, а неговото враќање на врвот гордо го придружуваше Ислам Махачев.
„Честитки Волкановски, голем камбек! Вистински пробив во спортот, но и во животот“!, порача Ислам преку Х, а Волкановски во коментарот му се заблагодари.
Congrats @alexvolkanovski great comeback! Real champ in sport and life 🏆
— Makhachev Islam (@MAKHACHEVMMA) April 13, 2025
Некогаш беа ривали, но по војната во првиот меч што си го дадоа, едноставно е невозможно да не се почитуваат. Волкот ја стекна почитта на Ислам, а истото важи и во спротивна насока. Два вистински гиганти!
