Неодамна крунисаниот шампион во полутешка категорија, Артур Бетербиев, изрази измешани чувства откако синоќа со мнозинска одлука го победи Дмитри Бивол.
Бетербиев тргна малку побавно, но борбата ја заврши импресивно, обезбедувајќи ја победата кај судиите со 116-112 и 115-113, додека третиот судија ја бодуваше борбата нерешено, 114-114. Иако Бивол беше попрецизен со 142 удари од 423 обиди, наспроти 137 од 682 на Бетербиев, судиите ја препознаа активноста и притисокот на Бетербиев за време на борбата.
На прес-конференцијата по борбата во Саудиска Арабија, Бетербиев (21-0, 20 КО) не го криеше своето незадоволство, и покрај тоа што ја освои првата победа на поени во кариерата против Бивол (23-1, 12 КО).
„Се бореше одлично“, рече Бетербиев. „Не знам како го мери неговиот успех, но не сум лош боксер. Не се претставив лошо, но исполнив само дел од тоа што го подготвив. Не знам зошто”.
„Секогаш сум критичен кон себе. Дури и да ги нокаутирав противниците, секогаш би се жалел на моите вештини и перформанси. Затоа и сега не сум задоволен. Секогаш сакам да бидам подобар”.
„Морав да „спијам“ неколку рунди, а потоа да се разбудам. Можеби тоа беше поради повредата на коленото, можеби поради нешто друго. Не сум сигурен“.
„Не се сметам себеси за голем боксер, но не сум ни лош. Сето тоа е дел од искуството. Чест ми е што станав апсолутен шампион”.
Неговиот долгогодишен тренер Марк Ремзи сподели слично чувство, велејќи: „Направивме солидна работа, но знаеме дека можеме подобро. Задоволни сме со сите појаси, но ќе се разбудиме во понеделник со нови цели и предизвици“.
