Кон крајот на минатата недела стана јасно дека поранешниот светски шампион во тешка категорија Александар Поветкин ја завршува својата спортска кариера, но ја остави вратата подотворена за да се врати во рингот.
Поветкин е подготвен да се врати доколку има примамлива понуда. Исто така, за добри пари, може да размисли за одржување егзибициски борби. Долгогодишниот промотор на Александар, Андреј Рјабински, исто така, не гледа ништо лошо во овие мечеви од финансиска гледна точка.
„Не сум размислувал за тоа, но сега дојде модата за овие ревијални натпревари. Имам исклучително негативен став кон ова, ако зборуваме за нив како спорт. Но, зошто да не, ако се плаќаат пари за тоа и постои можност да заработите пари“, изјави Рјабински за руските медиуми.
Рјабински рече дека го убедил Поветкин да ги закачи ракавиците на клинец.
