Александар Волкановски (26-4) е импресиониран од настапот на Дастин Пориер (30-9) изминатиов викенд против Ислам Махачев (26-1), иако „Дајмонд“ го загуби третиот напад на титулата во лесна категорија со завршница во петтата рунда. Австралиецот со македонско потекло на својот Јутјуб канал призна дека би сакал да го запознае Американецот во кафезот.
„Ако времето е добро, со Дастин може да направиме добра борба. Подготвен сум да направам нешто такво“, изјави „Александар Велики“.
Заедничко за нив во моментов е тоа што ги загубија средбите со Махачев, но и покрај тоа остануваат меѓу големите миленици на навивачите. Тоа го прави потенцијалниот судир меѓу нив навистина возбудлив со амбиции секој да добие последна шанса за појасот.
