Пензионираниот боксер Мајк Тајсон пред два месеци претепа патник во авион.
Мажот кој бил под дејство на алкохол го провоцирал поранешниот светски шампион во тешка категорија, а Тајсон физички го нападнал откако неколку пати го замолил да престане да провоцира. Објавено беше и видео, а Тајсон зборувал за инцидентот како гостин кај Џими Кимел. „Не требаше да го сторам тоа, но бев иритиран, уморен и лут. Се случуваат ср**а“, објасни прославениот боксер.
Медиумите го открија и идентитетот на напаѓачот на Тајсон. Неговото име е Мелвин Таунсенд III, човек претходно познат на полицијата. Се вели дека имал дебело криминално досие за проневера, кражби, кражби на возила и тешки кражби. Два пати бил во затвор, еднаш 20 месеци и еднаш 15.
