Во Белград се одржа тренерски семинар за реално аикидо „Љуба Врачаревиќ 2023“. На семинарот учествуваа и македонски преставници од Битола, Кочани, Скопје и Велес предводени од претседателот на Аикидо федерацијата на Македонија – реално аикидо Ѓуро Илиќ.
„Благодарност до мајсторот Милан Димитриески (карате мајстор од Струга кој живее и работи во Белград-н.з.) за одличните презентации и до сите учесници на семинарот (Битола, Скопје, Кочани, Велес, Бања Лука, Приједор, Нови Град, Лакташи, Лесковац, Ниш, Пирот, Шабац, Зрењанин, Кула, Врбас, Белград) за добрата енергија, позитивната атмосфера и прекрасното друштво!“, напиша на Фејсбук Ана Врачаревиќ, организатор на семинарот и главен инструктор.
