Поранешниот светски шампион во полусредна категорија во професионален бокс Руслан Проводников ќе го има долгоочекуваното враќање во рингот на 7 јуни. 41-годишниот Русин ќе се бори во својата татковина – во Краснојарск – за прв пат од неговата последна официјална борба во 2016 година. Во 2021 година учествуваше во егзибициски меч, но сега се подготвува за сериозен професионален судир.
„Не сум млад, но подготвен сум за борба. Најважно е сега да се подготвиме на вистинското ниво. Се очекува возбудлив меч против силен противник. Убеден сум дека публиката ќе биде задоволна”, изјави Проводников за ТАСС.
Името на неговиот противник се уште не е официјално објавено, но познато е дека неговото враќање ќе се случи под покровителство на боксерскиот синџир Сокол, основан од поранешниот ММА шампион Витали Минаков.
Руслан Проводников има импресивен учинок од 25 победи (18 со нокаут) и 5 порази. Борецот роден во Березово стана светски познат по своите легендарни битки во рингот против Тимоти Бредли и Мајк Алварадо, кои влегоа во историјата на боксот како едни од најспектакуларните мечеви во категоријата.
