Апсолутниот светски шампион во полутешка категорија Русинот Дмитри Бивол заработи 2,7 милиони долари за реваншот против сонародникот Артур Бетербиев и може да заработи уште 8 милиони долари за борбата против Американецот Давид Бенавидез. Ова го соопшти првиот човек на Светскиот боксерски совет (ВБЦ), Маурицио Сулејман.
Во февруари оваа година во Ријад Бивол со мнозинска одлука го победи Артур Бетербиев и ги освои титулите на неговиот сонародник ВБЦ, ВБО, ИБФ, ВБА Супер и ИБО во полутешка категорија. Бетербиев победи во првата борба, обединувајќи ги појасите и стана апсолутен светски шампион.
Бивол сега е неприкосновен шампион и Сулејман сака да го види против Бенавидез:
„Бивол заработи 2,7 милиони долари за реваншот против Бетербиев. Сега му се нудат 8 милиони долари за борбата со Бенавидез. Така што ова е одлична можност за Бивол”, изјави Сулејман во интервју за каналот на Јутјуб каналот Бокс војс.
34-годишниот Бивол има 24 победи и 1 пораз во професионалниот ринг. Бенавидез (28) има биланс од 30 победи во 30 борби. Се шпекулираше дека Бивол земал помеѓу 10 и 15 милиони долари од борбата со Бетербиев. 2,7 милиони долари изгледаат премалку за голема борба како онаа со Бетербиев.
View this post on Instagram
