Големата изјава дојде од Мартин Левандовски, првиот човек на КСВ. Извршниот директор на најдобрата европска ММА организација изјави дека Мирко Филиповиќ-Кро Кап е заинтересиран да настапи на еден од претстојните „КСВ Епик“ настани.
„Кро Кап“, светската легенда на боречките вештини и воопшто на хрватскиот спорт, неодамна го прослави својот 50-ти роденден. Иако во поодмината спортска возраст, добро е познато дека Филиповиќ е човек кој постојано тренира. Новинарот Адријан Шимански објави дека Левандовски на подкастот Јурасовка рекол дека Мирко Филиповиќ е заинтересиран за граплинг натпревар во престижната полска промоција.
„Мартин Левандовски во емисијата „Јурасовка“ изјави дека Мирко „Кро Кап“ Филиповиќ е заинтересиран да учествува во граплинг меч, кој би можел да се одржи на некој од претстојните епски гала настани на КСВ“, напиша Шимански на социјалната платформа Х (поранешен Твитер).
Martin Lewandowski powiedział w "Jurasówce", że Mirko "Cro Cop" Filipović jest zainteresowany udziałem w walce grapplingowej, która mogłaby odbyć się na jednej z nadchodzących gal KSW Epic. pic.twitter.com/SpluGF910M
— Adrian Szymański (@adrians_mma) November 14, 2024
Филиповиќ во кариерата има четири победи со тоа што го принудува противникот да се предаде. Гилотина против Кевин Рендлман во 2004 година во Прајд, гушење од позади против Пет Бери во 2010 година во УФЦ, лост против Шиничи Сузукава во 2012 година и гушење со рачен триаголник против Хјун Ман Мјунг во 2016 година во Ризин.
Последен пат Филиповиќ (38-11-2) го видовме во професионален настап во 2019 година на настанот Белатор 216. Тогаш победи со едногласна судиска одлука против Рој Нелсон-Биг кантри, поранешен тешкаш од УФЦ познат по тешките раце и импресивни нокаути.
Би било фантастично уште еднаш да се види на дело легенда како „Кро Кап“, сега не останува ништо друго освен да се чека одговорот на Мирко или официјална потврда од КСВ.
