Руските ММА легенди Магомед Исмаилов и Владимир Минеев го направија долгоочекуваниот реванш, борејќи се за титулата во средна категорија на руската организација АМЦ. Нивната борба беше главна на АМЦ Фајт најт 105 во Сочи, Русија. Пред 3 години ја видовме нивната прва борба, која беше многу оспорена и заврши нерешено. Овој пат работите беа поинакви.
Во првите две рунди Магомед Исмаилов целосно доминираше. Тој изврши голем притисок врз Минеев и успеа да ја пренесе битката на партер каде што беше во сопствените води. Исмаилов беше во доминантна позиција и му зададе многу удари на Минеев. Несомнено дека Магомед победи во првите две рунди. За жал, целата своја енергија ја потроши во овие две рунди. Во третата рунда Исмаилов веќе беше многу уморен и несоодветен.
Битката се одвиваше во стоечка позиција, при што Минеев ја презеде иницијативата. Тој го растури Магомед со рачни и ножни удари. Исмаилов едвај стоеше на нозе, а Минеев го приклешти за мрежата и го казни со колена и со удри. Магомед падна на партер и беше во глува одбрана, а судијата се смилува и го прекина мечот. Така Минеев ја одбрани титулата и го победи Исмаилов со нокаут.
Очите на Минеев речиси се затворија по средбата. Исмаилов, пак, долго лежеше на подот. Магомед немаше сила и мораше да му помогнат за да се движи. Имаше момент кога Исмаилов ќе паднеше на подот, но неговите соборци го фатија. Тие покажаа почит еден кон друг по битката и се прегрнаа.
Со оваа победа Минеев влезе во серија од 8 последователни победи и за прв пат ја одбрани титулата. Исмаилов за прв пат доживеа пораз по 7 години и се раздели со серијата од 11 последователни победи.
