Милан Кубин од Кик бокс клубот Гладијатор од Скопје си го честиташе роденденот на најубав начин – стана двократен шампион на Македонија во сениорска конкуренција.
Тој на Државното првенство во Неготино, вчера и денеска, стана шампион во лоу кик до 91 килограм и во кик лајт до 89 килограми. Во кик лајт беше подобар од Зоран Димов од Будо од Кавадарци, а во лоу кик од Игор Лазаревски – Чак.
Со овие две титули Кубин навести дека годинава може да очекуваме медали и од големите натпреварувња. Мината година го освои првото место на еден од најпристижните кик бокс турнир на Светскиот куп „Бест фајтер“ во Римини, Италија. Пред него ова му појде од рака на Дарко Чатлески. А на Балканскоото првенство беше втор.
Годинава Милан освои бронзен медал на Европскиот куп во Карловац-Хрватска.
Ipon.mk/В.Д.
