Каратистите и каратистките во кадетска и јуниорска конкуренција во Скопје се бореа да обезбедат место во националниот тим за Европското првенство за кадети, јуниори и јуниори до 21 година што од 6 до 8 февруари, идната година, ќе се одржи во Цирих, Швајцарија. Ова е монеталната ситуација, бидејќи последниот филтер ќе биде направен на Балканското првенство идниот месец.
Натпреварувачите на Металург беа најуспешни пред Макпетрол, Ронин и Олимпик.
Ќе спомнеме само дел од оние што обезбедија место во репрезентацијата, а другите ќе може да ги видите во во целосниот преглед на резултатите. Резултатите се речиси идентични со оние од Државното првенство што се одржа минатата недела во Скопје.
Во јуниори 21 победници се: Марија Матракоска-Ронин и Васил Бешлиев-Фунакоши Гичин во кати; Сара Радичевска (50 кг)-Макпетрол, Марија Матракоска (55 кг) –Ронин, Симона Заборска (61 кг)-Макпетрол, Ивана Атанасова (68 кг)-Тигар и Драгана Тодорова (+68 кг) Металург во борби; Мартин Стојменов (60 кг)-Партизан-Кочани, Ирфан Маисини (67 кг)-Башкими 2002, Азис Исмаили (75 кг)-Металург, Емир Косовиќ (84 кг)-Металург; Маријана Димоска-Ронин и Фери Исиќ-Вардар во кати јуниори итн.
Металург е најуспешен клуб со 10 први и 6 втори места, потоа следи Макпетрол (5-3-3). па Ронин (5-2-4), Олимпик (3-3-1) и Спорт 94 (3-1-0).
