Мераб Двалишвили е бесен на Умар Нурмагомедов и бара извинување.
Во последните недели Нурмагомедов не престана да го предизвикува Двалишвили на социјалните мрежи. Ова не му се допадна на Мераб, кој тврдеше дека Омар му покажал непочитување. На крајот, нивната борба беше официјално објавена. Двајцата се среќаваат во конасловната борба на настанот УФЦ 311, кој ќе се одржи во јануари во Калифорнија.
Мераб можеби е шампион, но е аутсајдер во борбата со Нурмагомедов, кој се уште е непоразен. Двалишвили откри дека доколку Умар не се извини, тогаш ќе има тепачка по нивната официјална пресметка во Калифорнија. Мераб е спремен дури и да оди во Дагестан за да го истепа непочитувачот Нурмагомедов.
„Нурмагомедов може да добие шлаканица по борбата. Борбата внатре во кафезот не е вистинска борба, тоа е спорт. Да, ако Омар не ми се извини, борбата меѓу нас ќе се случи. Дури и ако треба да одам во Дагестан да се борам со него. Го сакам Дагестан и имам многу пријатели во Дагестан. Но, тие се добри луѓе. Омар направи голема грешка со мене и мора да плати за тоа.
Се разбира, ова е лично. Затоа што секогаш кога ќе го видам Нурмагомедов, му оддавам почит. Му ја подавам раката. Дури му реков дека еден ден ќе се борам со него. А сега Умар почнува да зборува глупости на социјалните мрежи. Вистинските мажи не го прават тоа. Да, борбата со Нурмагомедов е лична борба за мене“, изјави Двалишвили за Ариел Хелвани.
View this post on Instagram
