Британскиот боксер Тајсон Фјури ја загуби титулата ВБЦ во средината на мај против Александар Усик за апсолутен светски шампион во тешка категорија.
Украинецот со поделена одлука го победи Џипси Кинг и стана првиот неприкосновен шампион во ерата на четири појаси. Но, бидејќи го договорија реваншот за 21 декември, Усик мораше да ја ослободи титулата на ИБФ.
Даниел Дубоа на почетокот на јуни го победи Филип Хрговиќ и ја освои привремената титула на ИБФ, а подоцна беше промовиран во вистински светски шампион, во септември ќе ја брани титулата против Ентони Џошуа.
Менаџерот на Фјури, Спенсер Браун, изјави за Скај спорт дека Џипси Кинг ќе го фаворизира Дубоа против Еј Џеј
„Мислам дека е добар пријател со Даниел Дубоа, бидејќи тие се од иста промоција. Тајсон сака да гледа добра борба. На кого ќе му се придружи? Веројатно на Даниел Дубоа“, изјави Спенсер Браун.
Победникот од мечот Дубоа-Џошуа би можел да биде потенцијален противник на Тајсон Фјури. Но, тоа во моментов не го интересира Кралот на Ромите, бидејќи е целосно посветен на реваншот против Усик.
„Тоа му е најмалата грижа досега. Тој меч нема да се случи доколку не ја добие следната борба. Императив е да се победи против Усик – истакна Спенсер Браун, а верува дека Фјури ќе биде многу подобар во следната борба против Украинецот:
„Ќе има промени, не во неговиот тим, туку во пристапот на тренинзите и подготовките за натпреварот. Минатиот пат борбата беше тесна и можеше да отиде на која било страна. Некои ќе речат дека Усик бил за три рунди подобар од Фјури, а други ќе имаат поинакво мислење. Затоа го сакаме боксот. Но, Тајсон Фјури ќе се врати. Ќе пука од сила и ќе видиме нов, подобар, подобрен Тајсон Фјури“.
