Конор Мек Грегор потврди дека ќе го прекине повлекувањето – по втор пат.
Ирецот на социјалните мрежи објави порака со која најави враќање. А очигледно имала за цел да биде нешто и како полуизвинување или пеглање на ситуацијата во која се најде откако ја нарече жена му на Хабиб Нурмагомедов „крпа“ и на тој начин нанесе навреда на голем дел од муслиманското население.
„Сакам да продолжам напред, заедно со сите мои фанови од сите вери.
Секоја вера, колку и да е различна, цели луѓето да станат подобри. Светот е еден и е за сите.
Ќе се видиме во октагонот“.
Претседателот на УФЦ, Дана Вајт, се грижи да не го испушти најдоходовниот борец и затоа изјави дека е подготвен да го направи среќен (но не и да му даде дел во УФЦ).
Сепак, како да се договориле нешто, бидејќи Мек Грегор е повторно на линија, а по жестоките навреди меѓу него и Нурмагомедов изгледа следната битка е сосема јасна.
