Некогаш најдобриот борец во тешка категорија и генерално најопасен боксер на сите времиња, Мајк Тајсон закажа борба против три децении помладиот Џејк Пол! Поранешниот јутјубер со години се обидува да изгради угледна боксерска кариера, а борбата со педесетиседум годишниот Тајсон секако ќе му бидат најголемиот предизвик во кариерата. Сепак доколку се случи таа борба…
Мајк Тајсон отворено испраќа закани дека ќе го победи Џејк Пол и тоа со нокаут како што во минатото ги нокаутираше најдобрите светски боксери. Но американските медиуми пренесуваат дека нивната борба е доведена во прашање. Причината се тестовите кои ќе мора да ги помине „Железниот Мајк“ пред да добие дозвола повторно да влезе во рингот.
Стариот ветеран ќе мора да оди на различни тестови за електроенцефалограм (ЕЕГ) и електрокардиограм (ЕКГ). Тие тестови треба да покажат дали има нарушување во работата на мозокот и срцето, а доколку лекарите ги откријат нешто при прегледот, Тајсон нема да смее да бори. Лекарите со право се загрижени дали Тајсон ќе може да издржи во рингот, со оглед на раскошниот начин на живот што го водеше по кариерата полна со удари, и неговата возраст која не одговара за големи настани.
Натпреварот помеѓу Мајк Тајсон и Џејк Пол е закажан за 20 јули, само дваесет дена откако Мајк Тајсон ќе го прослави својот 58 роденден! Овој боксерски спектакл ќе биде првиот во историјата кој ќе се пренесува на Нетфликс, а треба да се одржи во Арлингтон, на стадионот на НФЛ тимот Далас Каубојс. Се наведува дека натпреварот ќе му донесе неколку десетици милиони долари на Мајк.
