Американската боксерска надеж Џеред Андерсон (17-0, 15 КО) викендов го чека најтешкиот меч во кариерата. Андерсон ќе боксира против Мартин Баколе (20-1, 15 КО) на настанот во Лос Анџелес.
Конгоанскиот тешкаш во текот на кариерата ги победи познатите боксери како Тони Јока, Карлос Такам или Сергеј Кузмин, но сепак бара голема борба.
Баколе се надева дека со победа против Андерсон тоа ќе се промени и дека конечно ќе добие меч против борец од елитното друштво.
Конгоанецот верува дека Риал биг бејби нема да може да се натпреварува против него во рингот, бидејќи досега не се борел со толку квалитетен борец.
„Кога ќе почнам да го удирам и притискам, нема да може да се врати назад. Едноставно, нема да издржи. Досега немал сериозен противник, но јас се разликувам од сите со кои се борел. Смешно ми беше да ги гледам неговите средби“, рече Мартин Баколе и продолжи:
„Џаред никогаш не се борел со некој што возвраќа. Неговите противници не му возвратија и тоа е смешно. Постојано избираа лесни противници за него. Можеби тоа му се случува на секој млад боксер. А сега ќе биде во големи проблеми, бидејќи јас сум најопасниот противник со кој ќе се соочи во досегашната кариера. Не сум сигурен дека може да ми ги издржи ударите, ќе го победам со прекин“.
