Претседателот на ВБЦ, Маурицио Сулејман, потврди дека ВБЦ ќе одобри борба меѓу Мани Пакијао и Марио Бариос за нивната верзија на титулата во велтер категорија.
Бариос беше промовиран од привремен во целосен шампион во јуни, откако поранешниот носител на титулата Теренс Крафорд објави дека ќе се искачи во супервелтер категорија за да се бори против шампионот на ВБА, Израел Мадримов на 3 август.
Крафорд е прогласен за „шампион во мирување“, што значи дека може да се врати во полусредна категорија и да се бори за титулата, ако така сака. Сепак, тоа изгледа малку веројатно со оглед на тоа што тој веќе постигна апсолутна доминација во таа категорија.
Сулејман Сисохо е рангиран број еден од ВБЦ и затоа е следен во редот за борба против Бариос.
Сепак, ВБЦ е отворена за идејата да му дозволи на Пакијао да го прескокне редот.
„Мани Пакијао е безвременски. Тој е легенда“, изјави претседателот на ВБЦ Сулејман за „Скај спортс“.
„Имаме одлични преседани кога поранешните шампиони се враќаат, само доколку успешно ги поминат сите лекарски прегледи“, вели Кан.
„Како поранешен шампион и легенда, тој има способност да се бори за титулата на ВБЦ.
Навистина ми се допаѓа таа идеја. Мислам дека Мани Пакијао може да победи кој било борец или да биде конкурентен со кој било борец денес.
„Но, да се види како се враќа во ВБЦ повеќе од две децении по освојувањето на неговата прва светска титула, која беше титулата во мува категорија на ВБЦ, а потоа да оди до велтер категорија во 2024 година, тоа би било сензационално“.
Пакијао, поранешен светски шампион во осум категории, не се натпреварувал професионално по поразот со едногласна одлука од Јорденис Угас во август 2021 година.
Сепак, филипинската боксерска легенда сè уште верува дека го има она што е потребно за да се соочи со сегашната генерација на боксерски ѕвезди.
„Напишав историја на 40 години победувајќи го Кит Турман и се чувствувам како на 45 години да имам уште многу во себе бидејќи не сум удрил многу удари во последните неколку години“, изјави Пакијао за ЕСПН за потенцијалната борба со Бариос. „Сакам да заминам испишувајѓи историја“.
45-годишникот останува активен во егзибициската боксерска арена и се подготвува за следниот настап на 28 јули против поранешната шампионка во К-1, Рукија Анпа. Првично требаше да се бори со Чихиро Сузуки, шампионот во ММА на Ризин, но Анпо влезе како замена за Сузуки.
Минатиот декември го победи ММА борецот ДК Јо на поени, но изгледаше како сенка на стариот Пакмен.
🚨🚨対戦カード変更🚨🚨#Yogibo presents #超RIZIN3
RIZINスタンディングバウト特別ルール 69.0kg
🟥#マニーパッキャオ@MannyPacquiao
ボクシング世界6階級王者
ーーー🆚ーーー
🟦#安保瑠輝也 @anpo_rukiya
第4代K-1ｽｰﾊﾟｰﾗｲﾄ級王者※鈴木千裕が怪我でドクターストップのため欠場… pic.twitter.com/oE4gjS8RYm
— RIZIN FF OFFICIAL (@rizin_PR) June 28, 2024
