Макпетрол е најдобар карате клуб на Државното сениорско првенство во борби и во кати во поединечна и екипна конкуренција. Каратистите на Макпетрол освоија 13 медали – 8 златни, 2 сребрен и 3 бронзени, сите во борби.
Превнството се одржа викендов (сабота) во Скопје во „Борис Трајковски“ и беше критериумско за избор на сениорската репрезентација која во мај треба да настапи на Европското првенство за сениори кое ќе се одржи во Пореч, Хрватска. Сите први места обезбедија учество на Европското првенство и ќе не преставуваат во Хрватска, освен во категоријата до 60 килограми Емил Павлов има директен пласман.
Државни прваци од Макпетрол станаа:
- Сара Радичевска -50 кг,
- Симона Заборска -55 кг,
- Моника Пендаровска -61 кг
- Ангела Мојсовска -68 кг,
- Екипно жени борби во состав: Симона Заборска (капитен), Сара Радичевска, Ангела Мојсовска и Моника Пендаровски Викторија Јовановска,
- Абдурахим Идризи -60 кг,
- Давид Петков -67 кг
- Петар Спасеновски -84 кг
Сребрени медали освоија
- Марија Петровска -50 кг
- Машкиот тим во борби во состав: (Заборски Петар, Спасеновски Петар, Петков Глигор, Ацковски Роберто, Абдурахим Идризи, Глигор Станоев и Давид Петков).
Бронзени медали припаднаа на ;
- Роберто Ацковски -67 кг
- Викторија Јовановска -61 кг
- Глигор Петков -84 кг
Карате клубот Макпетрол во женска конкуренција продолжи со својата доминација. Од Вкупно 6 (шест) медали освои 5 (пет) златни и докажа дека е најдобар клуб веќе трета деценија во континуитет.
За овој резултатски подвиг капитенот на тимот македонската сениорска репрезентативка Симона Заборска, која е спортист од „светска категорија“ на Македонија вели:
„Многу сум задоволна од својот настап. Успеав да освојам два златни медали за мојот клуб, бев прва и во екипна и во поединечна конкуренција -55 кг. Во финалето на мојата категорија успеав да ја победам Јована Георгиева (Олимпик), со резултат од 4-1, и го освоив златниот медал. Во екипниот дел јас бев трета по ред и морав да победам, ако сакавме да го освоиме златниот медал. Го направив и тоа, и по втор пат ја победив Јована Георгиева која настапуваше за тимот на Олимпик и успеавме за 25 години по ред да бидеме најуспешен женски тим. Во овие години само еднаш имавме пораз во финална средба и тоа кога имавме промена на генерацијата во клубот. Но сега со овој соста,в кој е најквалитетен, мислам дека можеме многу повеќе. Ова секако немаше да биде возможно без моите клупски другарки кои се бореа како лавици на ова првенство. Ако добро се подготвиме ние можеме да освоиме и медал во екипна конкуренција од Европското првенство во Пореч“.
Репрезентативката Симона Заборска од пионерки настапува за овој клуб, а тоа се полни 20 години натпреварувачка кариера .
„Многу сме задоволни од постигнатиот резултат на овогодишното најважно Државно првенство за сениори-ки. Истовремено сме многу горди и среќни за постигнатите резултати на сите наши каратисти. Оваа година покажавме максимална доминација во сите тежински категории во поединечна конкуренција, но и во екипните настапи. Од вкупно 12 златни медали, колку што можат да се освојат на првенството ние како клуб имавме девет финалисти, а успеавме да освоиме, осум се златни медали, тоа е резултатски најголем број на златни медали од постоење на Карате клубот Макпетрол, а тоа се 25 години во врвот на македонското карате. Резултатот не е случаен, ние и минатата година имавме 7 златни медали на истото државно првенство, така да веќе во континуитет го покажуваме нашиот квалитет, кој се должи на многу квалитетниот потенцијал кој го има клубот во натпреварувачки кадар. Имено, скоро сите спортисти од нашиот клуб се повеќекратни европски и светски медалисти, затоа и резултатите се на ова ниво. Сега преостанува да се подготвиме сериозно за настапот не Европското сениорско првенство кое ќе се одржи во Хрватска“, изјави тренерот на Макпетрол Бошко Заборски.
