Боксерот Мајкл Хантер верува дека Александар Усик има шанса во пресметката со светскиот шампион на ИБФ, ИБО, ВБО, ВБА Супер во тешка категорија – Ентони Џошуа.
„Не мислам дека Ентони Џошуа ќе го победи Усик, освен ако не го нокаутира. Ова е тешка категорија, така што секогаш постои можност за нокаут. Усик е доволно силен и тоа го докажа многу пати. Има храброст и вештини да го стори тоа“, изјави Хантер за телевизијата ИФЛ.
Усик и Џошуа ќе се сретнат на 25 септември во судир на двајца олимписки шампиони. Мечот најверојатно ќе се одржи на стадионот на фудбалскиот тим Тотенхем.
„Само мислам дека Усик е премногу инспириран за него (Џошуа). Луѓето секогаш се сеќаваат на борбата со Чисора затоа што тој не изгледаше толку добро. Но, мислам дека стиловите прават битки. Мислам дека на Усик ќе му биде пријатно да боксира со Џошуа.
Џошуа треба да го надмудри Усик. Знаеме дека Џошуа има добар аперкат, можеби тоа е ударот што може да го искористи за да го измами Усик, но ќе му биде многу тешко да го удри. Знаеме дека Усик ќе се фокусира на одбраната, бидејќи неговата цел е да победи на поени и да победи со едногласна одлука“, откри Американецот.
Александар Усик има скор од 18 победи (13 со нокаут) и е без пораз во професионалниот ринг. Олимпискиот шампион од Лондон во 2012 година последен пат влезе во рингот во октомври. На боксерскиот гала настан на „Вембли арената“, Усик со едногласна одлука го победи Дерек Чисора.
„Тоа ќе биде тежок предизвик за Џошуа. Нема да се движи толку лесно како против Пулев или Енди Руиз во втората борба. Нема да ја има таа супериорност. Значи, мислам дека Џошуа треба да искористи шанса да го победи Усик. Тие ќе се борат, така што дефинитивно постои можност тоа да се случи доколку излезат во рингот. Па ќе видиме“, заклучи Хантер, чиј единствен пораз во професионалниот ринг е од Усик во пресметката за светската титула (ВБО) во полутешка категорија.
Ентони Џошуа е со биланс од 24 победи (21 со нокаут) и 1 пораз (од Енди Руиз Јуниор). Светскиот шампион на четири боксерски организации (ВБА Супер, ВБО, ИБФ и ИБО) последен пат влезе во рингот на крајот на декември 2020 година кога го нокаутира Кубрат Пулев. Сите појаси беа залог на тој меч што се одржа на „Вембли арената“.
