Поранешниот светски шампион во тешка категорија Мајк Тајсон (58) неодамна по пауза од речиси 20 години се врати во професионалниот ринг и загуби од јутјуберот Џејк Пол.
Легендата на боксот се уште ја отфрла идејата дека брзо се изморил и едвај го издржал мечот против Проблематичното дете, кој бил договорен за осум рунди по две минути.
Во едно неодамнешно интервју Тајсон изјави дека не чувствуваll никаков замор против 30 години помладиот противник.
„Магично. Сè се случи толку брзо. Осум рунди поминаа брзо, а не се ни препотив. Не бев уморен. Во првиот момент ништо не ми беше јасно“, рече Мајк Тајсон, како да се запраша „дали веќе е готово“.
Ајрон Мајк повеќе нема намера да влегува во рингот, но сака да продолжи активно да учествува во боксерските настани.
„Како што реков претходно – небото е граница. Сакам да бидам среќен и да го правам она што го сакам. Многу сум благодарен што имам можност во овој момент да направам се што сакам“, додаде 58-годишната боксерска легенда.
Во неодамнешното интервју за Секндс аут посинокот на Мајк, Амир ги отфрли тврдењата дека мечот меѓу Тајсон и Пол е наместен, но големата разлика во години мораше да се одрази некаде.
„Некои по мечот тврдеа дека борбата е наместена, но тоа не е точно. Мајк се измори, а Џејк не притискаше. Секако, не е исто кога мора да го погодиш Џејк кој се движи или да се фокусерите кои некој го држи додека го удираш“, рече Амир и додаде:
„Знам дека има и такви кои не сакаат да прифатат пораз, па објавуваат секакви работи на Интернет. Но, тоа не функционира така. Мајк остана без сили по неколку рунди, но крајот го дочека на нозе. Даде се од себе на негова возраст“.
