Како што се приближуваше борбата против Џејк Пол, боксерската легенда Мајк Тајсон ја покажува својата помрачна страна која исто така беше дел од неговиот имиџ во текот на неговата кариера.
Во врвот на кариерата, Ајрон Мајк ги исплаши противниците поради неговиот неверојатно силен удар. Таа сила му донесе светски титули и фантастични 88 проценти од неговите победи со нокаут.
Тајсон ќе се бори со Проблематичното дете на 15 ноември на стадионот AT&T во Арлингтон, а настанот ќе се пренесува на Нетфликс.
Џејк Пол од поранешна ѕвезда на Дизни и популарен Јутјубер стана боксерска слава со победите против поранешните борци на УФЦ како Андерсон Силва, Тајрон Вудли, Нејт Дијаз,…
Деновиве Нетфликс објави видео трејлер за претстојното шоу, во кое 58-годишниот Мајк Тајсон му вели на триесет години помладиот Џејк Пол:
„Нема да направам ништо ако не ризикувам, дури и да се посрамотам. Сакам да се борам со тоа младо копито. Тој е вештачки создаден убиец. Јас сум роден убиец. Напорната работа ме дефинира. Јас сум ослободителот. Создадов момци како Џејк Пол“, изјави Мајк Тајсон.
Боксерската легенда истакнува дека Пол не е роден (убиец) борец, додека целиот свој живот го посветил на борбите во рингот.
По победата со нокаут против поранешниот УФЦ борец Мајк Пери, кој моментално се бори за БКФЦ, Проблематичното дете го предизвика Тајсон на борба.
„Мајк, те сакам, но ќе ти го земам тронот“! – рече Џејк Пол.
Со овој трејлер Нетфликс објави документарен филм од три дела кој ги следи Тајсон и Пол во нивниот тренинг камп. Серијата ќе се вика ‘Одбројување’, а првите две епизоди ќе бидат достапни на 7 ноември, а третата пет дена подоцна.
