Поради бруталниот напад и претепувањето на полскиот судија Мација Џурготи (50) пред очите на гледачите во спорстката сала „Домот на спортовите“ во Загреб, хрватската полиција веднаш го уапси 18-годишниот боксер Видо Лончар.
Хрватски боксер Видо Лончар направи ретко виден инцидент на младинското аматерско Европско првенство што се одржува во Загреб. По третото одбројување, судијата го прекина мечот, а хрватскиот боксер, пред прогласувањето на победникот, го нокаутира судијата, а потоа продолжи да го удира додека беше на подот.
Полскиот судија веднаш бил пренесен во најблиската болница и по лекарските прегледи му биле востановени повеќекратни скршеници во пределот на ребрата, а 18-годишниот боксер ќе биде обвинет за нанесување на тешки телесни повреди.
http://youtu.be/qLE77n4h4-g
Исто така, Хрватскиот бокерски сојуз му изрече доживотна суспензија на младиот боксер.
„Ова беше најлошото нешто што можеше да не си случи. Ова е срам за Загреб и Хрватска, а на овој спорт нанесена му е голема штета. Сиот труд кој го вложивме околу овој настан падна во вода, а боксерот веќе никогаш во животот нема да боксува во ринг“, изјави портпаролот на ХБС Марко Маровиќ.
