Шампионот во лесна категорија во бокс, Васили Ломаченко не е импресиониран од нападите на Теофимо Лопез, кој ја има титулата на ИБФ.
Двајцата шампиони ќе се сретнат во рингот на 17 октомври во Лас Вегас.
Лопез вети не само дека ќе го победи Украинецот Ломаченко, туку и дека директно ќе го испрати во пензија двојниот носител на златниот олимписки медал.
„Во мојата земја, ако навредиш некого, подобро биди подоготвен да прдиш. Ако тој живееше во мојата земја, ќе научеше дека не може така да ја отвори устата“, рече Ломаченко.
„Верувам во сè што ќе кажам. Затоа мислам дека верува во неговите зборови. Но, ако не ги поткрепи со акција, тогаш избра погрешни зборови. После тоа навистина ќе жалам за него”.
Ломаченко е подготвен за битка, и покрај долгата пауза. Неговиот последен меч заврши со судиска одлука и победа над Лук Кембел.
„Сè е во ред“, рече Ломаченко и додаде: „Имав пауза од една година без борби. Сега сум здрав и среќен. Имам 32 години, долго време се занимавам со спорт и секако дека телото ми е малку истрошено. Но, направив пауза.
Близу сум до мојата цел – да ги соберам сите титули. Ова е на чекор до неа. Фановите ги сакаат интересните борби меѓу врвните спортисти. Сега имаме битка што обединува и сме врвни борци во нашата категорија. Тоа беше мојата цел кога ја почнав професионалната кариера. Отсекогаш бил мој сон.
Сакам да го оставам моето име во историјата на боксот“.
