Први места на Државното изборно првенство за јуниори станаа: Минир Реџепи -50 кг, Елмедин Сејфулаху -55 кг и Риад Реџепи -60 кг сите од Лирија, Адил Адили -66 кг од Скопје, Никола Петров -74 кг -Бучим, Рамадан Мустфовски -84 кг -Тефејуз, Шукри Асани -96 кг -Тефејуз и Кристијан Крстев -120 кг-Бучим.
Лирија беше најуспешна во вкупниот пласман со 33 бода, пред Тефејуз со 24 и Бучим 12, во конкуренција на осум клуба.
Првенството се одржа во Скопје во спортската сала „Шабан Трстена“, а учествуваа 40 борачи од 8 клубови.
Балканец го бојкотираше првенството поради нивните барања до ФБСМ кои не се прифатени, да се кооптира нов член во Управниот одбор и одземањето на организацијата на традиционалниот Меѓународен турнир „Македонски бисер“.
„Првенството беше одлично организирано. Ефективно траеше околу 3 часа. Од непознати причини не допатуваа борачите на Балканец. Балканец имаат двајца стипендисти во младинска конкуренција“, рече генералниот секретар на ФБСМ, Љупчо Лазаревски
Неофицијално, Балканец ги прекина односите со Федерацијата за боречки спортови, по инцидентот што се случи на јуниорското првенство до 23 години во Радовиш.
„ФБСМ нема за тоа официјална информација од Балканец. Штипскиот клуб на 19 и 20 март треба да биде технички организатор на Државното првенстви во кадетска конкуренција. Доколку добиеме негативен одговор дека нема да го организираат првенството, тоа ќе се одржи во друг град“, изјави Љупчо Лазаревски.
Сите резултати:
50 кг – 1 учесник
1.Минир Реџепи (Лирија)
55 кг – 6 учесници
1.Елмедин Сејфулаху (Лирија)
2.Бесим Амети (Тефејуз)
3.Фати Вејсели (Лирија)
3.Армин Идризи (Тефејуз)
60 кг – 6 учесници
1.Ријад Реџепи (Лирија)
2.Васко Ристов (Неготино)
3.Фуркан Јаја (Студеничани)
3. Шаип Брава (Лирија)
66 кг – 8 учесници
1.Адил Адили (Скопје)
2.Јетмир Имеровски (Тефејуз)
3.Јане Буровски (Неготино)
3.Басри Јусуфи (Лирија)
74 кг – 8 учесници
1.Никола Петров (Бучим)
2.Беслим Муртезани (Студеничани)
3.Буњамин Нуиши(Тефејуз)
3.Омер Адиловски (Скопје)
84 кг – 4 учесници
1.Рамадан Мустафовски (Тефејуз)
2.Амир Тачи (Лирија)
3.Димитар Вандов (Неготино)
3.Фиданчо Јованов (Бучим)
96 кг – 4 учесници
1.Шукри Асани (Тефејуз)
2.Јусуф Сахити (Лирија)
3.Бехар Демири (Студеничани)
3.Ариф Сејди (Работнички)
120 кг – 2 учесници
1.Кристијан Крстев (Бучим)
2.Здравко Ѓоргиевски (Работнички)
Вкупно бодови:
- БК Лирија – Скопје 33
- БК Тефејуз – Скопје 24
- БК Бучим – Радовиш 21
Ipon.mk/В.Д.
