Во хотел Истатов се одржува 5-дневен летен спортски камп „Дојран 2024“ на кој учествуваат и млади борачи, односно репрезентацијата во У-15, организиран од Федерацијата на училишен спорт на Македонија.
Кампот го возат Иван Јанев и Гоце Ангелов, а со нив се и борачите на Спартак: Филип Ангелов, Славица Митева, Стојана Митева, Едис Балилов, Даријан Павлев и Јован Илиев.
„На кампот учествуваат сите државни прваци. Имаме учесници од сите градови, после неколку години борењето е дел од овој училиштен спортски камп. Од Кочани, односно Спартак, учествуваат пет борач(к)и кои стана прваци на училиштното првенство, а како награда е кампот“, истакна тренерот Иван Јанев и додаде:
„Со тренинзи почнавме утринава. На располагање имаме убави услови, терен, теретана, базен. Децата се задоволни и се дружат меѓу себе. Од Кочани само борењето има претставници на овој спортски камп, што значи дека се потврдува работата и упорноста на БК Спартак и кој почна да парви шампиони“.
