Поранешниот шампион Квинтон Џексон се враќа во кафезот на крајот на месецот за да се бори против легендарниот Федор Емелијаненко. Битката меѓу нив е во тешка категорија и ќе биде главниот настан на заедничката манифестација на Белатор и на Ризин, што ќе се одржи во Јапонија. Џексон веќе не е цутот на младоста, па почна да размислува за пензионирање.
41-годишниот борец сака сè во неговата кариера да заврши во Јапонија, каде што се крена неговата ѕвезда. Ветеранот држи скор од 38-13 во ММА и се надева дека ќе може да присуствува на нов настан во земјата на изгрејсонцето во блиска иднина за да ја заврши својата ММА авантура.
„Човеку, јас сум 41 година. Секој пат кога тренирам, размислувам да се повлечам. Сè што можам да размислувам е повлекување од спортот. Ми недостасуваат борбите во Јапонија и онаа со Федор ќе биде како во старите добри денови. Му реков на мојот тренер дека сакам да ја прекинам кариерата во Јапонија.
И двајцата се согласивме дека би било добро да се борам таму и да прекинам со боречките вештини во Јапонија. Никогаш не сонував за борба со Емелијаненко во Прајд, затоа што тогаш бев во тешка полукатегорија. Но, сега работите се променија. Знаев дека е прашање на време кога ќе се борам против него, но дури и не размислував“, вели Џексон.
„Ремпејџ“ беше во серија од два последователни порази. Ја прекина оваа серија со нокаут над Вондерлеј Силва минатиот септември. Пред 3 години, Рампејџ се врати во тешка категорија и со одлука на судиите го совлада Сатоши Иши. Така и тој, како и Федор, победи на 2 од последните 4 борби.
