Поранешниот шампион на ВБЦ, Тајсон Фјури, го објави своето пензионирање во јануари, само дваесет дена по вториот последователен пораз од Александар Усик.
Британскиот боксер (34-2-1, 24 нокаути) го објави своето пензионирање во видео објава на Инстаграм:
„Здраво на сите, да бидеме кратки и јасни“, рече Тајсон Фјури, додавајќи:
„Би сакал да објавам дека се повлекувам од боксот. Беше одлично, уживав во секој момент. Барем Дик Турпин носеше маска. Ќе завршам со ова“.
Ова не е прв пат Фјури да се пензионира, а потоа да се врати на рингот со бомбастична најава. Многу фанови веруваат дека повторно ќе го стори тоа.
Имено, во последно време многу се споменува потенцијален меч против сонародникот Ентони Џошуа, што би можело да им донесе огромна заработка на двајцата.
Фјури не кажа ниту еден збор за евентуално враќање во последните неколку месеци, но во ново видео на социјалните мрежи ја разгоре имагинацијата на фановите со својата изјава.
„Ромскиот крал“ потврди дека се вратил во сала и повторно тренира со „Шугархил Стјуард“.
„Јас сум во сала, случајно наидов на некого што можеби го познавате… Се вративме. Знаете што следи“, рече Тајсон Фјури и покажа дека е во друштво на тренерот на Шугархил.
Tyson Fury bumps into trainer SugerHill Steward in the gym and teases "something is coming" 😯
📹 @Tyson_Fury via Instagram pic.twitter.com/g7NTGtpDbO
— Boxing on TNT Sports (@boxingontnt) April 28, 2025
Сепак, неговата изјава треба да се сфати со резерва, бидејќи тоа не значи дека има намера да се врати на борбите, сите знаат како сака да си игра со зборови.
Ако одлучи да се врати, тогаш „Битката за Британија“ е сè поизвесна. По новата борба за обединување во тешка категорија закажана за 19 јули на Вембли меѓу Александр Усик и Даниел Дубоа, би можеле да добиеме уште една голема борба меѓу Тајсон Фјури и Ентони Џошуа до крајот на годината.
