Тајсон Фјури и Дионтеј Вајлдер се сретнаа три пати во рингот во текот на нивните кариери. Нивната прва борба заврши нерешено и на тој меч Вајлдер го одбрани појасот на шампионот на ВБЦ во тешка категорија.
Вториот меч го имаа во февруари 2020 година кога Фјури победи со прекин во седмата рунда и ја освои светската титула. Британецот беше успешен и во октомври следната година кога го нокаутира Вајлдер во 11. рунда.
Така, Фјури беше поуспешен во три незаборавни борби против Вајлдер во една од највозбудливите боксерски трилогии на сите времиња.
Ромскиот крал ја одбрани титулата против Дилиен Вајт и Дерек Чисора, а го победи и Френсис Нгану, но потоа следуваа два порази од Александар Усик.
Фјури го најави своето пензионирање во јануари, неколку недели по неговиот втор пораз против Усик. Ромскиот крал се надева дека Бронзениот бомбардер ќе го стори истото.
„Искрено би сакал да го видам кутриот стар Дионтеј како се повлекува од боксот. Изгуби од мене, си одзедовме многу години од животот. Војната во нашата последна меѓусебна борба која заврши со нокаут во 11. рунда ви одзема многу енергија, никогаш не можете да се опоравите од такви борби. Меѓу мене и Вајлдер во нашата трилогија имаше десет нокдауни“, рече Тајсон Фјури и додаде:
„Борецот секогаш мора нешто да даде, но она што го покажа против Џозеф Паркер и Жилеј Жанг не е доволно. Тој е само сенка на неговата поранешна слава. Единственото нешто што остана од Дионтеј е неговото име. И тоа е тоа. Затоа би сакал безбедно да се пензионира пред да си наштети“.
По двата порази од Фјури Вајлдер го нокаутира Роберт Хелениус во првата рунда во октомври 2022 година, потоа загуби од Џозеф Паркер со едногласна одлука, а во јуни минатата година загуби од Жилеј Жанг со технички нокаут во петтата рунда.
